TEFL/TESOL proqramı davam edir

Əvvəlki yazlarımın birində oxucularımza TEFL / TESOL proqramları haqqında  məlumat vermişdim. Bu haqda  məlumat verərkən  bu proqramın  artıq Bakıda da fəaliyyət göstərdiyini də qeyd etmişdim. Artıq bir qrup  İngilis dili müəllimi bu proqramı keçərək  bitirib. CELT şirkətində keçirilən bu  proqram  yenicə açılmasına baxmayaraq bir çox İngilis dili  müəllimlərinin diqqətini cəlb eləyib. Qeyd edim ki, bu sertifikatı əldə edən müəllimlər öz pedoqoji  fəaliyyətləri üçün bir növ qarantiya almış olurlar.  TEFL/ TESOL proqramının koordinatoru Elgün Kərimovla söhbətimizdə bildirdi ki,   “Biz CELT şirkəti olaraq  bu proqramı Azərbaycanda keçirilməsində maraqlıyıq. Və hal –hazırda proqram uğurla davam etdirilir. Artıq ilkin nəticələrə görə bu proqramı bitirən tələbələr  öz razılıqlarını bildirirlər. Tələbələr üçün hər cür şərait yaradılıb. Pulsuz internet, kitabxana və s. Sentyabrın 9-da yeni bir qrup bu proqrama başlayacaq”.                                                                                                                   

Elgun Kərimov onu da qeyd etdi ki, bu dəfə başlayacaq dərslər  əvvəlki dərsdən fərqli olacaq.Onu qeyd edim ki, dərslər Amerikadan dəvət olunumuş müəllimlərlə birlikdə keçirilir. Keçən dəfə ki, dərslərdən fərqli olaraq sentyabrda başlayacaq dərslər  3 ay ərzində hər dərs  2 saat olmaqla keçiriləcək. Lakin bundan əvvəlki dərslərdə  1 ay ərzində keçirilmişdi və  hər gün 5 saat olmaqla. Dərs vaxtının azaldılmasının səbəbi bu kursu keçmək istəyənlərin istəklərini nəzərə alaraq qəbul olunmuşdur. Belə ki, bir çox insanlar işlədiyi üçün hər 5 saat dərslərə gələ bilmir və buna  görə dərslər üç  ay müddətində hər gün 2 saat olmaqla keçiriləcək. Bu İngilis dili müəllimlərinin işləməklə bərabər bu kursu keçmək imkan yaradır.

Proqramı bitirən tələbələrlə söhbətimizdə bildirdilər ki, proqram çox mükəmməl keçdi. “Mən proqrama qoşulanda bu qədər  maraqlı olacağını bilmirdim. Amma doğurdan da mən bu proqramda iştirak etməklə  çoxlu biliklər əldə etdim”.