Koreyada beynəlxalq statuslu tələbələr üçün İngilis dilli ölkələrə nəzərən aşağı məbləğli təhsil haqqı və yaşam xərcləri var. Təhsil məqsədi ilə tələbələr Koreyaya həm ali təhsil dərəcəsi almaq üçün və həm də dil kurslarına qatılmaq üçün müraciət edirlər. 1967-ci ildən bəri Koreya hökuməti 148 ölkədən 7000-ə yaxın tələbə üçün təqaüd təmin edir və hər il təqribən 2000 xarici tələbə təhsil almaq üçün Koreyaya üz tutur.  Əksər hallarda bakalavr təhsili 4, magistratura təhsili isə 2 illikdir. Koreya universitetləri milli, ictimai və özəl universitet olmaqla 3 yerə ayrılır. Milli universitetlər mərkəzi hökumət tərəfindən, ictimai universitetlər yerli hökumət tərəfindən, özəl universitetlər isə şəxsi sahibkarlar tərəfindən formalaşdırılıb.

Universitetlərdə koreya dili ilə yanaşı ingilis dilində də təhsil almaq mümkündür. Koreya dilini bilməyən tələbələr üçün isə xüsusi olaraq koreya dili kursları mövcuddur. Koreya dilində təhsil üçün tələbələrdə TOPIK (Test of Proficiency in Korean), ingilis dilində təhsil üçün isə IELTS və ya TOEFL imtahanlarından birinin nəticəsi olmalıdır.

Ortalama təhsil haqqı ixtisasdan asılı olaraq 1500- 10.000$ aralığında dəyişir. Xarici tələbələrin təhsil aldıqları müddətdə Koreyada işləmək üçün rəsmi icazə almaq imkanları var. Sırf bu məqsədlə hər il hökumət tərəfindən tələbələr üçün iş yarmarkaları keçirilir.

Parlaq gələcək vəd edən Koreya təhsili daha çox texnologiya sahəsində inkişaf edib. 152 ölkə arasında aparılmış araşdırmaya əsasən Koreya informasiya sahəsində 1-ci yerdə qərarlaşıb.

Koreyanın birinci olduğu sahə təkcə elm deyil. Belə ki, Koreya cinayətin nisbətinin aşağı olmasına və təhlükəsizlik səviyyəsinə görə də ilk pillədədir. Araşdırmalar nəticəsində burada oxuyan xarici tələbələrin 96%-ni Koreyadaki təhsil qane etdiyi məlum olub. Hətta onların 78%-i təhsillərini başa vurduqdan sonra qalıb Koreyada işləməyi planlaşdırırlar.

Koreyada yaşamağın yaxşı tərəfləri:

  • Rahat və təhlükəsiz nəqliyyat sistemi və təhlükəsiz yaşayış mühiti
  • Müxtəlif mədəni fəaliyyətlər
  • Başqa millətlərin nümayəndələri ilə rahat qaynayıb-qarışmaq
  • Əfsanəvi Koreya yeməkləri
  • Sakit ətraf mühit və təhsilin keyfiyyəti
  • Möhtəşəm təbiət və hava şəraiti
  • Yüksək yaşayış standartları

Xanım Xəlilova

CELT Narimanov

xanim@celt.az

012-566-48-23

2 Comments

  1. Salam. Men Ressamliq Akademiyasında dizayn fakultesi üzre tehsil alıram. Hal-hazırda 3cu kurs tələbəsiyəm. Dizayn fakultəsi üzrə Cənubi Koreyada magistr tehsili almağım mümkündür?

Leave a Reply

Your email address will not be published. Required fields are marked *

Yayınla